103 yoshli marafonchi, Toshkent yo‘llariga qaytgan avtobuslar, qo‘lqop va niqoblardan ifloslangan O‘rta Yer dengizi. 10-iyun suratlari
10-iyun, chorshanba kuni dunyoning turli burchaklaridan olingan eng qiziqarli suratlar jamlanmasini taqdim etamiz.
Italiyaning Rim shahrida “Yoshlar tinchlik uchun” harakati a’zolari tazyiq va zo‘ravonlikka qarshi kurash, shuningdek, AQShda o‘ldirilgan qora tanli Jorj Floydning xotirasiga bag‘ishlab fleshmob uyushtirmoqda.Foto: Shutterstock
Hindistonning Kalkutta shahrida himoya kiyimidagi maneken kiyim do‘koni tashqarisiga qo‘yilmoqda. Mamlakat karantin choralarini yumshatmoqda.Foto: Reuters
Londondagi ZSL hayvonot bog‘ida pingvinlar saqlanadigan akvarium yonida ijtimoiy masofa saqlashni eslatuvchi doiralar chizildi. Hayvonot bog‘i karantindan so‘ng ochilishga hozirlanmoqda.Foto: PA
O‘zbekistonda 8-iyundan boshlab “sariq” va “yashil” hududlarda jamoat transportida shahar (tuman) va shahar atrofi yo‘nalishlari bo‘yicha avtobus harakatlariga ruxsat berilgan.Foto: “Daryo”
Hindistonning Dehli shahridagi issiq tumanlardan birida o‘g‘lini suvda cho‘miltirayotgan erkak.Foto: Getty Images
Janubiy Koreyaning Seul shahrida hukumatning mehnat siyosatiga qarshi mitingda ishtirok etayotgan ishchi.Foto: AP Photo
Xitoyning Guandun provinsiyasida yog‘gan kuchli yomg‘ir natijasida suv ostida qolgan hududdan bolani olib chiqayotgan qutqaruvchilar.Foto: Getty Images
Ukrainaning Kiyev shahrida surrogat onalar tomonidan dunyoga keltirilgan chaqaloqlarni ushlab turgan hamshiralar. Bolalar Argentina va Ispaniyadan kelgan yangi ota-onalariga berilishga hozirlanmoqda.Foto: Getty Images
Suriyaning Binnish shahrida do‘kon oynasi qarshisida non uchun navbatda turgan odamlar.Foto: Getty Images
Braziliyaning munitsipalitetidagi Kuyaba ko‘li yaqinidagi hududda elektr ta’minotisiz yashaydigan 7 ta oilaning uyiga borib kelayotgan tez yordam xodimlari.Foto: Getty Images
Braziliyaning Rio-de-Janeyro shahrida prezident Jair Bolsonaruning raqibi mitingda.Foto: Reuters
Angliyaning London shahrida quldor va savdogar Robert Milliganning haykali olib tashlandi.Foto: Reuters
Misrning Qohira shahrida uyda mashg‘ulot o‘tkazayotgan taekvondochi.Foto: Reuters
Belgiyalik Alfons Lempols xayriya marafonida ishtirok etishga qaror qildi. 103 yoshli nafaqaxo‘r o‘zining bog‘ida marafon masofasini bosib o‘tadi. Xayriyadan tushgan pullar COVID-19 uchun dorilar ishlab chiqaradigan fondga beriladi.Foto: Reuters
Londondagi boshlang‘ich maktablardan birida bolalarni ijtimoiy masofalanishga o‘rgatishmoqda.Foto: Reuters
Moskvada go‘zallik salonlari va sartaroshxonalar qayta ochildi.Foto: Reuters
Rossiyaning Stavropol shahrida Konstitutsiyaga kiritiladigan bo‘lajak o‘zgarishlar bo‘yicha ovoz berish jarayoniga atalgan plakat.Foto: Reuters
Buyuk Britaniyaning Tonbrij hududidagi uyida itlar qurshovida o‘tirgan Sibir haskilari boquvchisi Stiven Bidlkomb.Foto: Reuters
O‘rta Yer dengizini tozalashda qatnashayotgan ko‘ngilli suzuvchi qo‘lqop va niqoblarni ushlab turibdi.Foto: Reuters
Pokistonning Karachi shahrida temiryo‘l bekatida poyezd kutib o‘tirgan 4 yoshli Tasmina.Foto: Reuters
Izoh (0)