Eron fuqarosi Mahmud Musaviy-Majid general Qosim Sulaymoniy o‘ldirilishi ishi bo‘yicha o‘lim jazosiga hukm qilindi. Reuters’ning yozishicha, bu haqda Eron Oliy sudi vakili G‘ulom Husayn Ismoiliy ma’lum qildi.
Uning bildirishicha, mahkum “Mossad” markaziy razvedka boshqarmasi ayg‘oqchilaridan biri bo‘lgan va ularga Sulaymoniyning qayerdaligi to‘g‘risida ma’lumot berib turgan.
Keyinchalik Eron hukumati Musaviy-Majid 2018-yildayoq hibsga olingani va uning ishi Sulaymoniyning o‘ldirilishi bilan bog‘liq emasligini ma’lum qildi.
Eslatib o‘tamiz, Eron islom inqilobi muhofizlari korpusi (IIMK)ning “Al-Quds” maxsus bo‘linmasi generali Qosim Sulaymoniy 3-yanvar kuni AQSh havo kuchlari tomonidan Bag‘dod aeroportiga berilgan aviahujum oqibatida o‘ldirilgandi. Zarba AQSh prezidenti Donald Tramp farmoyishiga asosan berilgan. U IIMKni terrorchilik tashkiloti deb hisoblagan va Qosim Sulaymoniyni mintaqada, xususan, Iroqda bo‘lib turgan amerikalik diplomatlar va harbiylarga hujum qilishni rejalashtirganlikda ayblagan. Eron esa unga javoban Iroqdagi Amerika bazasiga hujum qilgan. Buning oqibatida 100 dan ortiq amerikalik jarohatlangan.
Izoh (0)