10 июнь, чоршанба куни дунёнинг турли бурчакларидан олинган энг қизиқарли суратлар жамланмасини тақдим этамиз.
Италиянинг Рим шаҳрида «Ёшлар тинчлик учун» ҳаракати аъзолари тазйиқ ва зўравонликка қарши кураш, шунингдек, АҚШда ўлдирилган қора танли Жорж Флойднинг хотирасига бағишлаб флешмоб уюштирмоқда. Фото: Shutterstock
Ҳиндистоннинг Калкутта шаҳрида ҳимоя кийимидаги манекен кийим дўкони ташқарисига қўйилмоқда. Мамлакат карантин чораларини юмшатмоқда. Фото: Reuters
Лондондаги ZSL ҳайвонот боғида пингвинлар сақланадиган аквариум ёнида ижтимоий масофа сақлашни эслатувчи доиралар чизилди. Ҳайвонот боғи карантиндан сўнг очилишга ҳозирланмоқда. Фото: PA
Ўзбекистонда 8 июндан бошлаб «сариқ» ва «яшил» ҳудудларда жамоат транспортида шаҳар (туман) ва шаҳар атрофи йўналишлари бўйича автобус ҳаракатларига рухсат берилган. Фото: «Дарё»
Ҳиндистоннинг Деҳли шаҳридаги иссиқ туманлардан бирида ўғлини сувда чўмилтираётган эркак. Фото: Getty Images
Жанубий Кореянинг Сеул шаҳрида ҳукуматнинг меҳнат сиёсатига қарши митингда иштирок этаётган ишчи. Фото: AP Photo
Хитойнинг Гуандун провинциясида ёғган кучли ёмғир натижасида сув остида қолган ҳудуддан болани олиб чиқаётган қутқарувчилар. Фото: Getty Images
Украинанинг Киев шаҳрида суррогат оналар томонидан дунёга келтирилган чақалоқларни ушлаб турган ҳамширалар. Болалар Аргентина ва Испаниядан келган янги ота-оналарига берилишга ҳозирланмоқда. Фото: Getty Images
Суриянинг Бинниш шаҳрида дўкон ойнаси қаршисида нон учун навбатда турган одамлар. Фото: Getty Images
Таиланднинг Бангкок шаҳрида Будда ҳайкалчилари дўкони сотувчиси ҳайкалга суяниб турибди. Фото: Getty Images
Бразилиянинг муниципалитетидаги Куяба кўли яқинидаги ҳудудда электр таъминотисиз яшайдиган 7 та оиланинг уйига бориб келаётган тез ёрдам ходимлари. Фото: Getty Images
Бразилиянинг Рио-де-Жанейро шаҳрида президент Жаир Болсонарунинг рақиби митингда. Фото: Reuters
Англиянинг Лондон шаҳрида қулдор ва савдогар Роберт Миллиганнинг ҳайкали олиб ташланди. Фото: Reuters
Мисрнинг Қоҳира шаҳрида уйда машғулот ўтказаётган таэквондочи. Фото: Reuters
Бельгиялик Альфонс Лемпольс хайрия марафонида иштирок этишга қарор қилди. 103 ёшли нафақахўр ўзининг боғида марафон масофасини босиб ўтади. Хайриядан тушган пуллар COVID-19 учун дорилар ишлаб чиқарадиган фондга берилади. Фото: Reuters
Лондондаги бошланғич мактаблардан бирида болаларни ижтимоий масофаланишга ўргатишмоқда. Фото: Reuters
Москвада гўзаллик салонлари ва сартарошхоналар қайта очилди. Фото: Reuters
Россиянинг Ставрополь шаҳрида Конституцияга киритиладиган бўлажак ўзгаришлар бўйича овоз бериш жараёнига аталган плакат. Фото: Reuters
Буюк Британиянинг Тонбриж ҳудудидаги уйида итлар қуршовида ўтирган Сибир ҳаскилари боқувчиси Стивен Бидлкомб. Фото: Reuters
Ўрта Ер денгизини тозалашда қатнашаётган кўнгилли сузувчи қўлқоп ва ниқобларни ушлаб турибди. Фото: Reuters
Покистоннинг Карачи шаҳрида темир йўл бекатида поезд кутиб ўтирган 4 ёшли Тасмина. Фото: Reuters
Аввалги кунларнинг фотогалереялари:
Изоҳ (0)