Moskvalik ayol o‘zining Mercedes-Benz mashinasi o‘g‘irlab ketilganidan noodatiy usul orqali xabar topdi. U o‘z-o‘zini izolyatsiyalash tartibini buzgani uchun jarimaga tortilgan, bu vaqtda esa avtomobili servisda bo‘lgan, deb xabar qiladi Motor.
Avtomobil 18-mayda servisga jo‘natilgan, biroq iyunning boshida ayolga ruxsatnomasiz harakatlanganlik uchun jarima xati kelgan. Jarima Ochakovo shossesiga o‘rnatilgan kameralar tomonidan belgilangan.
Keyinroq ma’lum bo‘lishicha, servis bosh direktorining o‘rinbosari ayolning avtomobilida sayr qilgan. U kun bo‘yi Moskva bo‘ylab Mercedes’da aylanib, bu haqda mashina egasini ogohlantirmagan.
Hozirda erkakka nisbatan “Avtomobilni yoki boshqa transport vositasidan noqonuniy foydalanish” moddasi bo‘yicha jinoyat ishi qo‘zg‘atilgan. Ushbu modda ko‘zga tutilgan jazoga ko‘ra, servis direktori o‘rinbosari 5 yilgacha ozodlikdan mahrum etilishi mumkin.
Izoh (0)