2006-yilda ishlab chiqarilgan Mercedes-Benz CLK DTM AMG kabrioleti ikkita yangi Mercedes-AMG GT narxida sotildi, deb xabar beradi Motor.
CLK DTM AMG kabrioletlari DTM chempionatida g‘alaba qozonish maqsadida yaratilgani sabab u texnik jihatdan poyga kupesiga yaqinlashtirib ishlangan. Odatdagi CLK’dan maxsus versiya agressiv aerodinamik to‘siq, old va orqa tarafdan kengaytirilgan g‘ildirak izi, Dunlop shinalari bilan farq qiladi.
“O‘qlangan” kabrioletga 582 ot kuchiga ega 5,4 litrli V8 kompressor dvigateli o‘rnatilgan bo‘lib, u besh pog‘onali avtomat uzatmalar qutisi bilan boshqariladi.
Taqqoslash uchun, Mercedes-Benz CLK 63 AMG 482 ot kuchiga ega, CLK 63 AMG Black Edition maxsus versiyasiga esa 507 kuchli agregat o‘rnatilgan.
CLK DTM AMG kabrioletlari sun’iy yo‘ldosh navigatsiyalari, konditsioner, saloni charm, karbon, alyuminiy va alkantaradan ishlangan.
CLK DTM AMG kabriolet va kupelarining aksariyati taniqli insonlar tomonidan xarid qilingan. Ular orasida Formula-1 sobiq poygachilari Xuan-Pablo Montoyya, Mika Xakkinen va Jenson Battor, shuningdek, Alfa Romeo Racing F1’ning amaldagi poygachisi Kimi Raykkonen ham bor.
Mavzuga doir:
Izoh (0)