Bundan ikki oylar oldin YouTube’dagi Illing Show kanali dunyodagi eng kichkina “UAZ”ni yaratib, unga 22 dyuymli g‘ildirak diskalarini o‘rnatgan edi. Loyihani tayyorlash vaqtida yana bir noodatiy g‘oya paydo bo‘lgan — “UAZ”ni dunyodagi eng kichkina “Gelik” nusxasiga aylantirish.
Bu kabi vazifa Mercedes-Benz G-klass kuzovi dizayniga o‘xshash mutlaqo yangi kuzov panellarini tayyorlashni taqozo etgan. Kuzov asosini “UAZ”ning qayta ishlangan karkasi tashkil etgan, uning yuqori qismiga yupqa metall parchalaridan qo‘lda tayyorlangan panellar o‘rin olgan.
Bundan tashqari, “UAZ”ning yumaloq tomidan ham voz kechishga to‘g‘ri kelgan. Buning uchun u arralab olib tashlangan va o‘rniga boshqa bir juft metall bo‘lagidan qayta tayyorlangan tom o‘rnatilgan.
Hozircha bu yarim tayyor mahsulot. Kuzovning barcha yangi elementlari shoshilinchda yig‘ilgan, kuzov esa hali bo‘yalmagan ham. Shu sababli kuzov mexanigi bajarishi kerak bo‘lgan ishlar ko‘p.
Izoh (0)