6-iyun kuni Qozog‘istonning yirik shaharlarida muxolifat tomonidan tashkillashtirilgan norozilik namoyishlari bo‘lib o‘tdi, deb xabar beradi Euronews.
Namoyishlar mamlakatda mitinglar to‘g‘risidagi yangi qonun kuchga kirgan kuni bo‘lib o‘tdi, unda ommaviy tadbirlarni o‘tkazishga ruxsat berishdan xabardor qilish tartibiga o‘tish nazarda tutilgan.
Ta’kidlanishicha, namoyishchilar kredit amnistiyasini o‘tkazishni, yerlarni xorijliklarga sotishni taqiqlashni talab qilgan va mamlakatda Xitoyning iqtisodiy ekspansiyasi (ta’sir doirasining kengayishi)ga qarshi chiqqan.
Shuningdek, aksiya ishtirokchilari siyosiy faollarni hibsdan ozod etishga chaqirgan.
Ma’lumotlarga ko‘ra, norozilik namoyishlari natijasida butun mamlakat bo‘ylab 100 dan ortiq, Olmaota shahrining o‘zida 70 ga yaqin kishi qo‘lga olingan.
Izoh (0)