Portugaliyaning “Benfika” klubi mamlakat chempionatidan o‘rin olgan “Tondela”ga qarshi uchrashuvdan (0:0) qaytayotgan vaqtda jamoa avtobusiga noma’lum shaxslar hujum qildi.
Ta’kidlanishicha, avtobus toshbo‘ron qilingan. Futbolchilar Andriya Jivkovich va Yulian Vaygl (suratda) turli ko‘rinishdagi jarohatlar bilan kasalxonaga yotqizilgan.
“Ushbu voqealarning jamiyatda davom etayotganini mutlaqo qabul qilib bo‘lmaydi. Ular futbol muxlislari emas, ular jinoyatchilardir”, — deyiladi Portugaliya futbol ligasi bayonotida.
“Benfika” saytida e’lon qilingan bayonotga ko‘ra, hujum qilganlarning shaxsi hali aniqlanmagan. Jabrlangan futbolchilar esa ehtiyot chorasi sifatida tibbiy muassasada qoladigan bo‘ldi.
Portugaliya chempionatining 25-turidan keyin “Benfika” va “Portu” klublari bir xil ochko (60) jamg‘argan holda musobaqa jadvalida peshqadamlik qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)