O‘zbekiston terma jamoasi JCh—2022 va Osiyo Kubogi—2023 musobaqalari saralash bosqichining navbatdagi o‘yinlari sanalari ma’lum bo‘ldi.
Avvalroq OFK saralash bosqichi o‘yinlarini oktabr oyidagi FIFA kunlaridan boshlab davom ettirishni so‘rab, FIFAga xat yuborgani xabar qilingandi. O‘zbekistonlik futbol mutaxassisi Alisher Nikimbayevning ma’lum qilishicha, mazkur taklif FIFA tomonidan ma’qullangan va tez orada OFK ham bu borada rasman ma’lum qiladi. Ushbu ma’lumotlarni “Daryo”ning O‘FAdagi manbasi ham tasdiqladi.
Shu tariqa mart va iyun oylarida o‘tishi kerak bo‘lgan O‘zbekiston terma jamoasi ishtirokidagi o‘yinlar oktabr va noyabr oylarida bo‘lib o‘tadi. Xususan, 13-oktabr kuni O‘zbekiston terma jamoasi safarda Yaman bilan uchrashadi, 8-oktabrda Vadim Abramov jamoasi dam oladi.
Shuningdek, terma jamoa noyabr oyida ham ikkita uchrashuv o‘tkazadi. 12-noyabrda Singapur mehmon qilinadi, 17-noyabrda esa O‘zbekiston safarda Saudiya Arabistoni bilan o‘ynaydi.
JCh—2022 saralash bosqichi
7-tur bahslari
8-oktabr, payshanba
Falastin — Singapur
Saudiya Arabistoni — Yaman
8-tur bahslari13-oktabr, seshanba
Yaman — O‘zbekiston
Singapur — Saudiya Arabistoni
9-tur bahslari12-noyabr, payshanba
Saudiya Arabistoni — Falastin
O‘zbekiston — Singapur
10-tur bahslari17-noyabr, seshanba
Saudiya Arabistoni — O‘zbekiston
Falastin — Yaman
Mavzuga doir: Koronavirus sabab O‘zbekiston terma jamoasining mart va iyun oylaridagi o‘yinlari qoldirildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)