Coursera yirik onlayn ta’lim platformasi 1-iyundan boshlab butun dunyo talabalariga bepul o‘qish imkoniyatini taqdim etdi. Bu haqda servis matbuot xizmati ma’lum qildi.
Talabalar uchun 3 800 dan ortiq kurslar, soha mutaxassislar ishtirokidagi 150 ta interfaol loyihalar, 400 ta mutaxassislik va 11 ta professional sertifikatlash dasturlari bepul taqdim etiladi.
Hozirda o‘qiyotgan va bitiruvchi talabalar o‘zlarining ta’lim muassaasalari domenlarida tasdiqlangan elektron pochta manzillari bilan ro‘yxatdan o‘tish orqali ushbu kurslarda bepul o‘qish va sertifikat olishlari mumkin.
Kurslarga bepul ro‘yxatdan o‘tish 31-iyulgacha davom etadi. Tanlangan dasturlardan 30-sentabrgacha o‘tish lozim. Ushbu sanadan keyin talabalar faqat soha mutaxassislari ishtirokidagi interfaol loyihalarga bepul kirishlari mumkin.
Coursera direktori Shravan Golining ta’kidlashicha, ushbu tashabbus koronavirus tufayli o‘qishi yoki amaliyoti to‘xtab qolgan yoki bekor qilingan talabalarga yordam berishga qaratilgan.
Aprel oyi oxirlarida koronavirus tufayli ishini yo‘qotgan kishilarga bepul kurslarni taqdim etgandi.
Coursera ham bepul, ham pullik kurslarni taqdim etadi, ammo kursni bitirganlik haqidagi sertifikat uchun pul to‘lash lozim. Xizmatga yillik obuna 399 dollarni tashkil etadi.
Izoh (0)