Rossiyada bir sutkada bemorlarning 11108 nafari koronavirusdan tuzaldi. Yana 8 863 kishida kasallik aniqlandi

Rossiyada so‘nggi sutkada koronavirusga chalinish bo‘yicha 8 863 ta holat qayd etildi, deb xabar bermoqda Meduza koronavirusga qarshi kurash bo‘yicha tezkor shtabning 2-iyun kuni bergan ma’lumotlariga tayanib.

Bundan bir kun avval bu ko‘rsatkich 9 035 kishini tashkil etgandi. Mamlakatda epidemiya boshlanganidan buyon 423 741 kishi koronavirusga chalingan.

So‘nggi sutkada koronavirus aniqlanganlarning 182 nafari vafot etib, virus qurbonlari soni 5 037 kishiga yetgan.

Shuningdek, sutka davomida bemorlarning 11 108 nafari tuzalgan bo‘lib, sog‘ayganlarning umumiy soni 186 985 kishini tashkil etmoqda.

Mamlakatda koronavirusni aniqlash bo‘yicha so‘nggi sutkada 228,5 mingta, epidemiya boshlanganidan buyon esa 11,1 millionta test o‘tkazilgan.