26 май ҳолатига кўра, Тошкент вилоятининг Бекобод, Нурафшон, Янгийўл шаҳарлари ҳамда Оққўрғон, Зангиота, Қибрай, Паркент, Юқори Чирчиқ, Янгийўл ва Тошкент туманлари «қизил» ҳудуд сифатида тоифалангани хабар қилинган эди. Шу сабабли ушбу ҳудудлардаги ЙҲХ хизматлари фуқароларни қабул қилишни вақтинча тўхтатди, деб хабар беради «Xabar.uz».
Тошкент вилояти ИИББ ЙҲХБ фуқаролардан «қизил» ҳудудларда қатъий карантин талаблари ўрнатилганини инобатга олишини, бу талабларга амал қилишини сўраган.
Таъкидланишича, «қизил» ҳудудлардаги йўл ҳаракати хавфсизлиги хизматлари карантин сабабли фуқароларни қабул қилиш ишларини вақтинчалик тўхтатган.
Ҳайдовчилик гувоҳномаларини бериш ва алмаштириш, жарима тўлаш, техник кўрикдан ўтказиш ишлари карантин талаблари бекор қилингунига қадар амалга оширилмайди.
«Ҳаётингиз ва соғлиғингизни хавф остига қўйиб, ‘қизил’ ҳудудларга кирманг, уйда қолинг», — дейилади хабарда.
Аввалроқ Тошкент вилоятидаги «қизил», «сариқ» ва «яшил» ҳудудлар рўйхати янгилангани тўғрисида хабар берилганди.
Изоҳ (0)