Toshkent shahar IIBB matbuot xizmatining ma’lum qilishicha, koronavirusning tarqalishini oldini olish bo‘yicha Respublika maxsus komissiyasi tomonidan karantin choralarini yumshatish bo‘yicha qaror qabul qilingach, ayrim fuqarolar sanitariya-epidemiologiya qoidalariga umuman rioya qilmay qo‘ygan.
Ta’kidlanishicha, shahar ko‘chalarida tibbiy niqob taqmagan yoki uni to‘g‘ri taqmasdan yurgan fuqarolar ko‘paymoqda.
Toshkent shahar IIBB xodimlari va sanitariya-epidemiologiya nazorati xizmati ishchilaridan eslatma berilgan: Ma’muriy javobgarlik to‘g‘risidagi kodeksining 54 moddasiga (Epidemiyalarga qarshi kurash qoidalarini buzish) binoan karantin va inson uchun xavfli bo‘lgan boshqa yuqumli kasalliklar paydo bo‘lishi hamda tarqalishi sharoitida vakolatli organning maxsus talablariga zid ravishda jamoat joylarida niqobsiz bo‘lish, fuqarolarga bazaviy hisoblash miqdorining yigirma baravaridan o‘ttiz baravarigacha, mansabdor shaxslarga esa o‘ttiz baravaridan ellik baravarigacha miqdorda jarima solishga sabab bo‘ladi.
Xususan, 16-may kuni Toshkentda jami 144 kishi, 17-may kuni esa 104 kishi jamoat joyida tibbiy niqobsiz yurgan.
“Sizlardan o‘z salomatligingiz va atrofdagilarning xavfsizligi masalasiga jiddiy qarashingizni so‘raymiz”, — deyiladi ma’lumotda.
Mavzuga doir: O‘zbekistonda karantin 1-iyungacha uzaytirildi, biroq temiryo‘l va aviaqatnovlar qisman qayta tiklanadi
Izoh (0)