UFC prezidenti Deyna Uayt yengil vazn chempioni Habib Nurmagomedov hamda ushbu vaznning vaqtinchalik chempioni Jastin Getji o‘rasidagi jang yozda bo‘lib o‘tishini ma’lum qildi.
“Nurmagomedov—Getji jangi yozda bo‘lib o‘tishini kutyapman. Ular o‘rtasidagi to‘qnashuv Janglar oroli (Kanadada joylashgan) bo‘lib o‘tadi. Bu u yerdagi birinchi musobaqa bo‘ladimi yoki ikkinchi, buni hozircha aniq bilmayman. Agar sport sohasida qandaydir mo‘jiza yuz bermasa va musobaqalarga ruxsat berilmaydigan bo‘lsa, jang aniq men kutayotgan vaqtdan oldin bo‘lmaydi”, — deydi UFC rahbari Uayt.
Eslatib o‘tamiz, avvalroq Habib Nurmagomedov iyul oyida navbatdagi jangini o‘tkazish niyatida ekanligini aytgandi. Toni Fergyuson ustidan qozonilgan g‘alabadan so‘ng Getji ham faqatgina Habib Nurmagomedov bilan jang qilishni xohlayotganini ma’lum qildi.
Ma’lumot uchun, Habib Nurmagomedov o‘zining so‘nggi jangini 2019-yil 7-sentabrida Dastin Poryega qarshi o‘tkazib, raqibini muddatidan avval taslim qilgandi.
Mavzuga doir:
- Habib Nurmagomedov qachon oktagonga qaytishini ma’lum qildi
- Konor Makgregor qachon oktagonga qaytishini ma’lum qildi
- Habib Nurmagomedov 3-raunddayoq Dastin Poryeni taslim qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)