UFC президенти Дэйна Уайт енгил вазн чемпиони Ҳабиб Нурмагомедов ҳамда ушбу вазннинг вақтинчалик чемпиони Жастин Гетжи ўрасидаги жанг ёзда бўлиб ўтишини маълум қилди.
«Нурмагомедов—Гетжи жанги ёзда бўлиб ўтишини кутяпман. Улар ўртасидаги тўқнашув Жанглар ороли (Канадада жойлашган) бўлиб ўтади. Бу у ердаги биринчи мусобақа бўладими ёки иккинчи, буни ҳозирча аниқ билмайман. Агар спорт соҳасида қандайдир мўъжиза юз бермаса ва мусобақаларга рухсат берилмайдиган бўлса, жанг аниқ мен кутаётган вақтдан олдин бўлмайди», — дейди UFC раҳбари Уайт.
Эслатиб ўтамиз, аввалроқ Ҳабиб Нурмагомедов июль ойида навбатдаги жангини ўтказиш ниятида эканлигини айтганди. Тони Фергюсон устидан қозонилган ғалабадан сўнг Гетжи ҳам фақатгина Ҳабиб Нурмагомедов билан жанг қилишни хоҳлаётганини маълум қилди.
Маълумот учун, Ҳабиб Нурмагомедов ўзининг сўнгги жангини 2019 йил 7 сентябрида Дастин Порьега қарши ўтказиб, рақибини муддатидан аввал таслим қилганди.
Мавзуга доир:
- Ҳабиб Нурмагомедов қачон октагонга қайтишини маълум қилди
- Конор Макгрегор қачон октагонга қайтишини маълум қилди
- Ҳабиб Нурмагомедов 3-раунддаёқ Дастин Порьени таслим қилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)