Avtomobil salonida itning bo‘lishi ruldagi stressni kamaytiradi va xavfsiz mashina boshqarishga yordam beradi, deb yozadi Motor.
Ispaniyaning Seat markasi tomonidan o‘tkazilgan tadqiqotda it boqadigan haydovchilarning 54 foizi jonivor salonda bo‘lgan payti ehtiyotkorlik bilan mashina haydashini bildirgan. Bu, ayniqsa, yosh haydovchilar uchun ahamiyatli: 18-24 yoshli haydovchilarning 69 foizi itlar rulda intizomli bo‘lishga undashini aytgan.
Yoshi kattaroq haydovchilar uchun esa vaziyat aksincha tus oldi. 55 yoshdan katta haydovchilarning faqat 42 foizigina salonida it bo‘lganida mashinani ehtiyotkorlik bilan haydaydi.
Bundan tashqari, avtomobilda itning bo‘lishi haydovchining stress darajasini ham kamaytiradi. So‘ralganlarning 35 foizi yonida iti bo‘lganida o‘zini xotirjam his etishini ma’lum qilgan.
Shunga qaramay so‘rovnoma ishtirokchilarining uchdan bir qismi mashinada iti olib yurish qoidalarini bilmasligi, buning uchun jarima borligidan bexabarligini aytgan.
Izoh (0)