“Barselona” futbolchilari koronavirusga test topshiradi

“Barselona” koronavirus sabab to‘xtab qolgan mavsumning qayta boshlanishiga tayyorgarlik ko‘rmoqda.

6-may, chorshanba kuni klub futbolchilari koronavirusga qon tahlili topshiradi.

Tahlillar natijasi qanday bo‘lishidan qat’i nazar “Barselona” klub bazasida yakka holdagi mashg‘ulotlarni boshlanishni mo‘ljal qilmoqda. Shu bilan birga futbolchilar mashg‘ulot kiyimlarini o‘z uyida almashtirishi va mashg‘ulotdan keyin faqat uyida yuvinishi mumkin bo‘ladi.

Antikoronavirus qoidalariga ko‘ra, ikkinchi bosqichda “Barselona” futbolchilari kichik guruh bo‘lib shug‘ullanishlari mumkin, shuningdek, ularga uyda oila a’zolari bilan aloqada bo‘lishdan qochish tavsiya qilinadi.

Uchinchi bosqichda esa jamoa 14 kishidan oshmagan holda taktik mashg‘ulotlarga kirishishi mumkin bo‘ladi.

Ishlab chiqilgan qoidalarga ko‘ra, klublar La Liga o‘yinlarini qayta boshlagunga qadar bir oycha vaqt o‘tishi kerak.