Futbol agenti Gari Uilyams Angliya Premyer Ligasining qolgan o‘yinlarini Avstraliyaning Pert shahrida o‘tkazishni taklif qildi.
“Men APL klublari vakillari bilan bog‘landim, ularga bu g‘oya yoqmoqda.
Shuningdek, Avstraliya hukumati mansabdorlari bilan ham gaplashdim, bu ularda qiziqish uyg‘otmoqda. Hafta davomida yana suhbatlashamiz.
Bu yer xavfsiz. Hukumat ko‘plab cheklovlarni olib tashlagan, plyajlar ochiq. So‘nggi o‘n kunda to‘rttagina koronavirus yuqtirib olish holati qayd etildi, — deydi agent.
Pert shahrida to‘rtta stadion joylashgan bo‘lib, ularning biri 65 ming tomoshabinga mo‘ljallangan.
Premyer Liga klublaridan birining vakili mavsumning qolgan qismini Astraliyada o‘tkazish fikriga quyidagicha munosabat bildirdi: “Mavsumlar oralig‘ida biz dunyo bo‘ylab turlar uyushtiramiz. Bu ham xuddi shunga o‘xshaydi. Avstraliyada hozir ob-havo ham mukammal darajada”.
Avstraliyada shu vaqtga qadar 6800 ta koronavirus yuqtirib olish holati qayd etilgan. Bemorlarning 5817 nafari sog‘aygan bo‘lsa, 95 kishi halok bo‘lgan. Buyuk Britaniyada esa kasallanganlar soni 182 mingdan oshgan. 28 mingdan ortiq kishi vafot etgan.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)