Buyuk Britaniyaning Squawka portali koronavirus sabab muddatidan avval yakunlangan Fransiya chempionatining o‘ziga xos ramziy terma jamoasini e’lon qildi. Gap shundaki, mavsum terma jamoasini tuzishda “bir jamoadan bir futbolchi” tizimidan foydalanildi.
Mavsum yakunlari bo‘yicha chempionlikni qo‘lga kiritgan PSJ klubidan Kilian Mbappe top-11 dan joy olgan bo‘lsa, ikkinchi o‘rindagi “Marsel”dan hujumkor yarim himoyachi Dimitri Payet olingan. 2019/20-yilgi mavsum bronza medallari sohibi “Renn”dan vakil sifatida 17 yoshli yarim himoyachi Eduardo Kamavinga tanlangan.
Ramziy terma jamoa bilan tanishing:
Darvozabon: Valter Benites (“Nitssa”);
Himoyachilar: Hassan Kamara (“Reyms”), Gabriel (“Lill”), Jeyson Denayer (“Lion”), Muhammad Simakan (“Strasburg”);
Yarim himoyachilar: Eduardo Kamavinga (“Renn”), Teji Savanye (“Monpelye”), Habib Maiga (“Mets”);
Hujumchilar: Dimitri Payet (“Marsel”), Kilian Mbappe (PSJ), Vissam Ben-Yedder (“Monako”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)