AQSh federal zaxira tizimi (FZT) 28—29-aprel kunlari o‘tkazilgan yig‘ilish yakunlariga ko‘ra yillik 0-0,25 foizlik baza stavkasini saqlab qoldi. Ushbu qaror ko‘plab tahlilchilarning prognozlariga mutanosib kelgan. Bu haqda tashkilot rasmiy xabarida ma’lumot berilgan.
FZT baza stavkasini mart oyida ikki marta rejadan tashqari yillik 0-0,25 foizga tushirganidan keyin ham saqlab qoldi. Avval stavka ushbu darajada 2008-yil dekabridan 2015-yil dekabriga qadar saqlanib turgan. FZT koronavirus pandemiyasi sabab yuzaga kelgan iqtisodiy oqibatlarga qarshi javob tarzida stavkalarni tushirishga qaror qilgandi.
“Koronavirus epidemiyasi butun dunyoda va AQShda og‘ir iqtisodiy oqibatlarga sabab bo‘ldi. Virusga qarshi va odamlarni undan himoya qilish maqsadida amalga oshirilayotgan tadbirlar iqtisodiy faollikning keskin tushib ketishiga olib keldi”, – deyiladi FZT xabarida.
AQShda koronavirus hamda neft narxining keskin qulashiga qaramay, inflyatsiya past talabga ega, deyiladi tashkilot press-relizida.
Mavzuga doir:
Monetar siyosatning keyingi yo‘nalishlarida ko‘plab omillar, xususan, bozor holati, inflyatsiya kutilmasi va xalqaro vaziyatlar hisobga olinadi.
FZT ipoteka va g‘aznachilik qog‘ozlarini sotib olishda davom etadi, ushbu jarayon bozorni qo‘llab-quvvatlashda muhim, deyilgan xabarda.
Izoh (0)