Habib Nurmagomedov: Dog‘istonda shifoxonalar to‘lgan, bemorlar soni esa ortmoqda

Yengil vazn toifasida UFC chempioni Habib Nurmagomedov Dog‘iston aholisiga murojaat bilan chiqdi.

Yakkakurashchi koronavirus pandemiyasiga jiddiy qarashni va ehtiyoj bo‘lmaganda uydan chiqmaslikni tavsiya qildi.

“Ushbu muqaddas oyda meni tanigan barcha dog‘istonliklarga murojaat qilmoqchiman. Ko‘pchilik bu balo bizni chetlab o‘tishiga umid bog‘lagandi, ayrimlar yuzaga kelgan vaziyat jiddiy ekaniga hali ham ishonmayapti. Biroq bizning shifokorlar maslahati va iltimosiga bo‘lgan beparvoligimiz kasallikning keng yoyilishiga hamda shundoq ham qiyin bo‘lgan vaziyatning yanada og‘irlashishiga sabab bo‘ldi. Natijada shifoxonalarimiz kasallar bilan to‘lgan, mutaxassis va dori-darmon yetishmayapti, bemorlar soni esa ortmoqda.

Menga ishoning. Bu kasallik hayot uchun xavfli va biz uni o‘zimizda his qilyapmiz. Uyda qolgan holda shifokorlar va kasalxonalar ishini yengillashtiramiz. Balki, vaqtida amalga oshirilgan ehtiyotkorligimiz kimningdir hayotini saqlab qolinishiga sabab bo‘lar. Yaqinlaringizni asrang, ehtiyoj bo‘lmasa ularni ko‘chaga chiqarmang.

Yaratganning o‘zi bizni barcha kasalliklardan asrasin va dunyodagi hamma bemorlarga shifo bersin”, — deya yozadi Nurmagomedov.

https://www.instagram.com/p/B_iIe3UFLbX/