NASA olimlari hamda Amerikaning bir qator tadqiqot muassasalari Oyning eng batafsil geologik xaritasini yaratdi. Bu haqda AQSh Geologiya xizmatiga tayanib, Hi-Tech.Mail.ru xabar berdi.
Xaritani yaratishda eski oltita xaritadagi ma’lumotlar birlashtirilgan, shuningdek, sun’iy yo‘ldoshdan olingan yangi suratlardan foydalanilgan. Yig‘ilgan ma’lumotlarning barchasi geografik dasturiy ta’minot yordamida “tikib chiqilgan”. Olimlar Yerning sun’iy yo‘ldoshi yuzasidagi turli xil obyektlar nomlari va tavsiflarini umumlashtirgan — bunga qadar xaritalar bir-biridan farq qilar edi. Shuningdek, unda kraterlar, yoriqlar, tizmalar va boshqa notekis landshaftlar ko‘rsatilgan.
Izoh (0)