Starlink aloqa yo‘ldoshlari quyosh panellarining nur qaytaruvchi burchagi sabab tungi osmonda juda yaxshi ko‘rinadi. SpaceX kompaniyasi apparatlarning haddan ziyod yorqinligini bartaraf etish borasida ish olib bormoqda. Bu haqda kompaniya asoschisi Ilon Maskga tayanib, TechCrunch xabar bergan.
Maskning so‘zlariga ko‘ra, SpaceX qurilmalardagi quyosh panellarining burchagini muvofiqlashtiradi.
Keyinchalik sun’iy yo‘ldoshlarning muayyan qismi yuqoriroq orbitalarga o‘tadi va panellar Quyoshga tomon qaratiladi. Bu ularga oddiy ko‘z bilan qarashni nisbatan qiyinlashtiradi, biroq uzoqda joylashgan obyektlarni kuzatishda yorug‘lik ifloslanishi sabab qiyinchiliklar yuzaga keladi.
Shu sababli kelajakda sun’iy yo‘ldoshlarga maxsus materialdan ishlangan radionurlanish uchun shaffof va sun’iy yo‘ldoshlar yorug‘ligining intensivligini kamaytiradigan “soyabonlar” o‘rnatiladi.
Starlink — global sun’iy yo‘ldosh orqali aloqa tizimi, SpaceX hujjatlarida tarmoqning ishga tushirilishi uchun 12 mingdan 42 mingtagacha sun’iy yo‘ldosh uchirilishi lozimligi qayd etilgan.
SpaceX qurilmalarining birinchi guruhi 2019-yil may oyida uchirilgan. Kompaniyaning rejalariga ko‘ra, 2020-yilda Starlink’ning koinotdagi internet tizimi AQSh va Kanadada ishlashni boshlaydi, 2021-yilga borib butun dunyoni qamrab oladi.
Starlink tizimini yaratish ishlari COVID-19 epidemiyasiga qaramay davom ettirilmoqda.
16-aprel kuni SpaceX’ning 60 ta sun’iy yo‘ldosh ortilgan Falcon 9 raketasi uchirilishi koronavirus sabab qoldirilgani xabar qilingandi.
Mavzuga doir:
Izoh (0)