30-aprel kuni 100 yoshni qarshilaydigan Buyuk Britaniya fuqarosi Tom Mur koronavirusga qarshi kurashga 30 million funt sterling to‘plashga muvaffaq bo‘ldi. Buning uchun u tug‘ilgan kunida o‘zining 25 metrli bog‘ini 100 marotaba aylanishga va’da bergan, deb xabar qiladi Deutsche Welle.
9-aprel kuni u bog‘i bo‘ylab uch kilometr masofani bosib o‘tishga va buning uchun odamlarni xayriya qilishga chaqiruvchi chellenjni boshlab bergan. Mur yig‘ilgan pullarni COVID-19 koronavirus infeksiyasiga qarshi kurashuvchi tashkilotlarga topshirishini ma’lum qilgan.
Faxriyning so‘zlariga ko‘ra, u ming funt sterling to‘plash niyatida bo‘lgan. Ushbu mablag‘ tezda yig‘ilgan, shunda Mur o‘z oldiga 10 ming funtlik marrani qo‘ygan. Biroq bu mablag‘ ham tezda yig‘ila qolgan.
Britaniyalik haqida butun mamlakat xabar topgan. U har kuni oqko‘ngil fuqarolardan yuzlab maktublar olmoqda. Murning aytishicha, hozirga qadar unga 70 mingdan ortiq maktub yuborilgan.
“U ajoyib ish qilmoqda. U 99 yoshli faxriy, ya’ni doim oldinda bo‘lgan. Hozir ham u oldinda bo‘lib, barchamizni o‘zining qat’iyati bilan ilhomlantirmoqda”, — degan shahzoda Uilyam va Keyt Middlton.
Ta’kidlanishicha, 16-aprel kuni Mur o‘z marafonini yakunlashi arafasida uning bog‘ida Yorkshir polkining harbiy xizmatchilaridan iborat faxriy qorovul saf tortgan. Qachonlardir qariya ushbu polkda xizmat qilgan.
So‘nggi ma’lumotlarga ko‘ra, faxriyga Pride of Britain (“Britaniya g‘ururi”) mukofotini topshirish rejalashtirilmoqda.
Izoh (0)