O‘zbekistonda COVID-19 kasalligiga chalingan bemorlarning 561 nafari tuzaldi. Mamlakat bo‘yicha 23-aprel, payshanba kuni, 111 nafar bemor sog‘ayib, reabilitatsiyaga kuzatildi. Bu haqda Sog‘liqni saqlash vazirligi ma’lum qildi.
Foto: “Daryo”
Xabar berilishicha, Buxoro viloyatida yana 58 nafar bemor butkul sog‘aydi. Viloyatda 23-aprel kuni 95 nafar bemor sog‘ayib, reabilitatsiyaga jo‘natildi.
Vazirlik tomonidan qayd etilishicha, 21-aprel kuni 96 nafar, 22-aprel kuni 93 nafar va 23-aprel kuni 111 nafar bemor tuzaldi.
Avvalroq O‘zbekistonda koronavirusdan tuzalganlar soni 500 kishidan oshgani haqida xabar berilgan edi.
O‘zbekistonda 23-aprel soat 19:00 holatiga ko‘ra, koronavirus infeksiyasini yuqtirib olganlar soni 19 kishiga oshib, 1735 nafarni tashkil etmoqda. Mamlakatda 15-martdan buyon koronavirusga chalingan bemorlarning yetti nafari vafot etdi, Xorijda 73 o‘zbekistonlikda koronavirus aniqlangan (eng ko‘pi — 42 nafari — Rossiyada), ularning to‘rt nafari vafot etgan.
Izoh (0)