“Muhimi bunday o‘yinlarda ishtirok etish, uni muhokama qilish emas”. Jonli efirda Abramov va Geynrix o‘rtasida bahs yuzaga keldi

“Tezkor studiya” dasturida O‘zbekiston terma jamoasi bosh murabbiyi Vadim Abramov va sobiq hujumchi Aleksandr Geynrix o‘rtasidagi o‘ziga xos tortishuv yuzaga keldi.

Abramov: Sasha, esingdami terma jamoa yig‘inida sen bilan bahs boylaganmiz: 7/50 yugurish mashqini bir daqiqa ichida bajara olmaganding. Keyin esa buni hech kim qila olmasligini aytgansan. Men javoban “Traktor”ning istalgan futbolchisi buni amalga oshira olishini aytganman.

Geynrix: Aytganingizdek, “Traktor” faqat yugurardi, biroq futbol ham o‘ynash kerak.

Abramov: Ha, shunday degin... Tushunarli.

Geynrix: Siz aytayotgan narsa — yengil atletika... O‘sha vaqtda “Paxtakor” bilan doim sizlarni “vozili” (tinmay yugurtirar edik).

Abramov: Ha, albatta. Sizlar har doim 14 kishi bo‘lib o‘ynardinglar. Shu sabab sizlarga qarshi o‘ynash qiyin edi.

Abramov: Sasha, sen Olimpiya terma jamoasida o‘ynaganmiding? (Abramov)

Geynrix: Ha, bir marta, Eronga qarshi. (Geynrix)

Abramov: Hisob qanday bo‘lgandi?

Geynrix: 5:1.

Abramov: Yo‘q, adashma, 1:5 bo‘lgandi. Javob o‘yini esa 1:3. Ko‘rdingmi, Sasha bularni solishtirib bo‘lmaydi.

Geynrix: Albatta, o‘z uyingda 2:0 hisobida oldinda borib, oxirida 2:3 ga yutqazishga solishtirib bo‘lmaydi (O‘zbekiston olimpiya terma jamoasining 2012-yil BAAga qarshi Toshkentdagi o‘yini nazarda tutilyapti — izoh “Daryo”).

Abramov: Bu baxtsiz hodisa edi. So‘nggi o‘yin edi, bunday bahslar juda qiyin o‘tadi. E’tiboring uchun, o‘sha bosqichga qadar bizdan boshqa hech kim yetib bormagandi. Buni tushunish uchun o‘sha o‘yingacha yetib borish kerak. Futbol shunisi bilan qiziq. Biroq eng muhimi bu qanday yuz berganini muhokama qilish emas, shunday o‘yinlarda ishtirok etish, Sasha.

Geynrix: Men ishtirok etganman. Masalan, yoshlar o‘rtasidagi Jahon Chempionatida. Sizni Jahon miqyosida qachon ko‘ramiz?

Abramov: Nasib qilsa, 2022-yilda!