«Тезкор студия» дастурида Ўзбекистон терма жамоаси бош мураббийи Вадим Абрамов ва собиқ ҳужумчи Александр Гейнрих ўртасидаги ўзига хос тортишув юзага келди.
Абрамов: Саша, эсингдами терма жамоа йиғинида сен билан баҳс бойлаганмиз: 7/50 югуриш машқини бир дақиқа ичида бажара олмагандинг. Кейин эса буни ҳеч ким қила олмаслигини айтгансан. Мен жавобан «Трактор»нинг исталган футболчиси буни амалга ошира олишини айтганман.
Гейнрих: Айтганингиздек, «Трактор» фақат югурарди, бироқ футбол ҳам ўйнаш керак.
Абрамов: Ҳа, шундай дегин... Тушунарли.
Гейнрих: Сиз айтаётган нарса — енгил атлетика... Ўша вақтда «Пахтакор» билан доим сизларни «возили» (тинмай югуртирар эдик).
Абрамов: Ҳа, албатта. Сизлар ҳар доим 14 киши бўлиб ўйнардинглар. Шу сабаб сизларга қарши ўйнаш қийин эди.
Мавзуга доир: Вадим Абрамов Осиё Кубоги—2011 да нима сабабдан Одил Аҳмедовни марказий ҳимояда ўйнатганини айтди
Абрамов: Саша, сен Олимпия терма жамоасида ўйнаганмидинг? (Абрамов)
Гейнрих: Ҳа, бир марта, Эронга қарши. (Гейнрих)
Абрамов: Ҳисоб қандай бўлганди?
Гейнрих: 5:1.
Абрамов: Йўқ, адашма, 1:5 бўлганди. Жавоб ўйини эса 1:3. Кўрдингми, Саша буларни солиштириб бўлмайди.
Гейнрих: Албатта, ўз уйингда 2:0 ҳисобида олдинда бориб, охирида 2:3 га ютқазишга солиштириб бўлмайди (Ўзбекистон олимпия терма жамоасининг 2012 йил БААга қарши Тошкентдаги ўйини назарда тутиляпти — изоҳ «Дарё»).
Абрамов: Бу бахтсиз ҳодиса эди. Сўнгги ўйин эди, бундай баҳслар жуда қийин ўтади. Эътиборинг учун, ўша босқичга қадар биздан бошқа ҳеч ким етиб бормаганди. Буни тушуниш учун ўша ўйингача етиб бориш керак. Футбол шуниси билан қизиқ. Бироқ энг муҳими бу қандай юз берганини муҳокама қилиш эмас, шундай ўйинларда иштирок этиш, Саша.
Гейнрих: Мен иштирок этганман. Масалан, ёшлар ўртасидаги Жаҳон Чемпионатида. Сизни Жаҳон миқёсида қачон кўрамиз?
Абрамов: Насиб қилса, 2022 йилда!
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)