22-aprel kuni 50-marta Yer kuni nishonlandi. O‘tgan vaqt mobaynida sayyorada ko‘zga tashlangan o‘zgarishlar — suratlarda
Har yili 22-aprel kuni Yer kuni nishonlanadi. Yer kunini nishonlash tashabbusi 1970-yilda ilgari surilgan. O‘shanda tashabbus egalari atrof-muhitga g‘amxo‘rlik qilish, shuningdek, sayyorani saqlab qolishda insonlarning burch va majburiyatlari haqida eslatish uchun ushbu bayramni nishonlashni taklif qilgan.
2020-yilning 20-aprelida Yer kuni 50-marta nishonlandi. O‘tgan vaqt mobaynida ko‘plab amaliy ishlar qilinganiga qaramay, muammolar butkul barham topgani yo‘q.
The Atlantic nashri 50 yil ichida sayyoraning turli nuqtalarida olingan suratlar jamlanmasini taqdim etdi. Suratlarda atrof-muhitning ayrim jihatlari insoniyatga qanday ta’sir o‘tkazishi, insonlar unga qanday ta’sir o‘tkazishi aks etgan.
Yaponiyaning Himawari-8 meteorologik yo‘ldoshi tomonidan 21-aprel kuni tasvirga olingan Yer sayyorasi surati.Foto: The Atlantic
1970-yilning 22-aprelida, ilk nishonlangan Yer kunida Peys kolleji talabasi gazga qarshi niqobda Nyu-Yorkning Siti-Xoll bog‘ida magnoliyani hidlamoqda.Foto: The Atlantic
1970-yilning 22-aprelida Nyu-Yorkdagi beshinchi avenyudagi markaziy ko‘cha avtomobillar harakati uchun yopilganida u minglab odamlar bilan to‘lgan edi.Foto: The Atlantic
2016-yilning iyun oyida Yaponiyaning Sikoku orolidagi o‘rmonda ko‘zga tashlangan minglab yog‘dular.Foto: The Atlantic
2015-yilning 21-yanvarida Singapurdagi Jurong qushlar bog‘ida Viktoriya tojiga ega kabutar qayd etilgan. Bu sayyoraning qirilib ketayotgan qushlaridan biri hisoblanadi.Foto: The Atlantic
Filippinning Manila shahridagi chiqindilar bilan to‘lgan suv havzasi.Foto: The Atlantic
Xitoyning Chjeszyan provinsiyasidagi Shenshan orolidagi Xutuvan qishlog‘idagi tashlandiq uylar orasida yurgan odamlar. Tikka qoyaliklarga qurilgan g‘ishtli uylardan iborat qishloqda bir vaqtlar baliqchilik rivojlangan edi. Endi u tashlandiq hududga aylandi. Foto: The Atlantic
2018-yilning 28-oktabrida Italiyaning Venetsiya shahridagi San-Marko maydonida daryo o‘zanining toshishi oqibatida yuzaga kelgan toshqin paytida sayr qilayotgan sayyohlar.Foto: The Atlantic
2018-yilning 6-dekabrida O‘rtayer dengizining Turkiyadagi qirg‘og‘ida suzib yurgan plastik “paket”. Suv ostiga sho‘ng‘igan dayver ushbu muammoga keng jamoatchilik e’tiborini qaratish uchun holatni suratga olgan.Foto: The Atlantic
2017-yilning 6-yanvarida Birlashgan Arab Amirliklarida yashovchi erkaklar o‘z tuyalari bilan Abu-Dabidan 250 kilometr g‘arbda joylashgan Liva sahrosida ketmoqda.Foto: The Atlantic
2019-yilning 6-sentabrida Alyaskadagi Kenay-Fords[ milliy bog‘idagi muzlik yaqinida suratga olingan ekskursion qayiq.Foto: The Atlantic
Keniyaning Kitui okrugidagi Katitika qishlog‘ida fermer ekinini yeb ketayotgan chigirtkalar galasi oralab yurib ketmoqda. Chorak asr mobaynida bunday muammoga duch kelmagan Keniya, Somali, Efiopiya kabi mamlakatlarga millionlab chigirtkalar kirib kelib, hosilga ziyon keltira boshladi.Foto: The Atlantic
Angliyaning Shimoliy Yorkshir grafligidagi kiyiklar bog‘ida shudring bilan qoplangan o‘tlar ustida turgan kiyik.Foto: The Atlantic
2015-yilning 26-noyabrida Xitoyning Shansi provinsiyasidagi ko‘mir elektrostansiyasidan chiqayotgan tutun. Erkaklar uch g‘ildirakli velosipedni tortib ketmoqda.Foto: The Atlantic
Avstraliyada yuz bergan o‘rmon yong‘inlari. 2019-yilning 9-noyabrida olingan surat. Ushbu falokat tufayli millionlab akr yer maydonlari, minglab uylar yonib ketdi.Foto: The Atlantic
Avstraliyadagi o‘rmon yong‘inlari chog‘ida kuyish jarohatini olgan koala sog‘aymoqda. Suratda unga g‘amxo‘rlik qilayotgan shifokorlar.Foto: The Atlantic
Filippindagi Mindoro provinsiyasida joylashgan qo‘riqlanadigan milliy bog‘ va tog‘lar. 2018-yil 16-oktabr.Foto: The Atlantic
Gaiti poytaxti Port-o-Prensdagi Petion-Vil kommunasida quyosh botishi jarayonining aerofototasviri. 2018-yil 27-sentabr.Foto: The Atlantic
Fransiya shimoli-g‘arbidagi Mon-Sen-Mishel shahrida quyosh botmoqda. 2019-yil 29-dekabr.Foto: The Atlantic
Kongo demokratik respublikasi shimoli-sharqidagi Kaxuzi-Bega milliy bog‘i o‘rmonida parvarishlanayotgan hamda qirilib ketayotgan jonivorlar sirasiga kiritilgan grauer maymuni. 2019-yilning 30-sentabri.Foto: The Atlantic
2018-yilning 14-iyulida Belgiyaning Bryugge shahrida Tinch okeanidan yig‘ishtirib olingan plastik chiqindilardan kit ko‘rinishida yasalgan installyatsiya. Foto: The Atlantic
2017-yilning 8-iyulida olingan ushbu suratda esa hindistonlik erkak Nyu-Dehlidagi ifloslangan Yamun daryosidagi ko‘piklar orasida ibodat qilmoqda.Foto: The Atlantic
Angliyaning Katta Manchester shahrining Dovestones va Buckton Vale tumanlari o‘rtasidagi kengliklarga yopirilayotgan o‘rmon yong‘inlari paytida ko‘ringan to‘lin oy.Foto: The Atlantic
Izoh (0)