Mudofaa vazirligi axborot xizmati rahbari Bahrom Zulfiqorov oliy harbiy ta’lim muassasalari harbiy-kasbiy tanlov imtihonlari va test sinovlari muddati karantin tugashiga qarab o‘zgarishi mumkinligini bildirdi. Bu haqda u AOKA shtabida ma’lum qilgan.
Unga ko‘ra, oliy harbiy ta’lim muassasalarida imtihonlar, ya’ni bilim yurtlarida o‘tkaziladigan harbiy-kasbiy tanlov 1-iyunidan 25-iyunigacha hamda test imtihonlari 5-iyul kuni o‘tkazilishi belgilangan. Biroq karantin nihoyasiga yetgandan so‘ng o‘zgarish bo‘lsa, mudofaa ishlari bo‘limlari orqali nomzodlarga xabar berilishi qo‘shimcha qilindi.
Mavzuga doir: Harbiy xizmatni o‘tash yoshiga yetgan fuqarolar karantindan so'ng xizmatga chaqirilishi mumkinligi aytildi
Mudofaa vazirligi vakili karantin muddati tugagandan so‘ng tuman va viloyat mudofaa ishlari bo‘limlari va boshqarmalarida fuqarolardan tibbiy ko‘rik hujjatlarini qabul qilish vaqtini biroz muddatga cho‘zish hamda oliy harbiy ta’lim muassasalariga o‘qishga kirmoqchi bo‘lgan fuqarolar uchun imkoniyatlar yaratish masalasi ko‘rib chiqilayotganini bildirgan.
Qo‘shma qaror talabiga ko‘ra, tibbiy ko‘rik uchun o‘tkazilgan laboratoriya natijalari uch oy muddatda o‘z kuchida qolishini ham yana bir bor ta’kidlangan.
Eslatib o‘tamiz, avvalroq O‘zbekistonda karantin sabab abituriyentlar OTMlarga imtihonsiz qabul qilinishi haqidagi xabarlar rad etilgani, karantin davrida OTMlarda hech qanday imtihonlar belgilanmaganligi haqida ma’lumotlar berilgan.
Mavzuga doir:
- Karantinda bo‘lganlar harbiy xizmatga qabul qilinadimi? Xizmatni o‘taganlar uyga qayta oladimi? Mudofaa vazirligi izoh berdi
- O‘zbekistonda harbiy xizmat uchun o‘tkazilgan tibbiy ko‘rik natijalari 3 oygacha o‘z kuchida qoladi
- Mudofaa vazirligi: “Bir oylik xizmatga pulini to‘lab qo‘ygan fuqarolarning pullari qaytarib berilmaydi”
Izoh (0)