Мудофаа вазирлиги ахборот хизмати раҳбари Баҳром Зулфиқоров олий ҳарбий таълим муассасалари ҳарбий-касбий танлов имтиҳонлари ва тест синовлари муддати карантин тугашига қараб ўзгариши мумкинлигини билдирди. Бу ҳақда у АОКА штабида маълум қилган.
Унга кўра, олий ҳарбий таълим муассасаларида имтиҳонлар, яъни билим юртларида ўтказиладиган ҳарбий-касбий танлов 1 июнидан 25 июнигача ҳамда тест имтиҳонлари 5 июль куни ўтказилиши белгиланган. Бироқ карантин ниҳоясига етгандан сўнг ўзгариш бўлса, мудофаа ишлари бўлимлари орқали номзодларга хабар берилиши қўшимча қилинди.
Мавзуга доир: Ҳарбий хизматни ўташ ёшига етган фуқаролар карантиндан сўнг хизматга чақирилиши мумкинлиги айтилди
Мудофаа вазирлиги вакили карантин муддати тугагандан сўнг туман ва вилоят мудофаа ишлари бўлимлари ва бошқармаларида фуқаролардан тиббий кўрик ҳужжатларини қабул қилиш вақтини бироз муддатга чўзиш ҳамда олий ҳарбий таълим муассасаларига ўқишга кирмоқчи бўлган фуқаролар учун имкониятлар яратиш масаласи кўриб чиқилаётганини билдирган.
Қўшма қарор талабига кўра, тиббий кўрик учун ўтказилган лаборатория натижалари уч ой муддатда ўз кучида қолишини ҳам яна бир бор таъкидланган.
Эслатиб ўтамиз, аввалроқ Ўзбекистонда карантин сабаб абитуриентлар ОТМларга имтиҳонсиз қабул қилиниши ҳақидаги хабарлар рад этилгани, карантин даврида ОТМларда ҳеч қандай имтиҳонлар белгиланмаганлиги ҳақида маълумотлар берилган.
Мавзуга доир:
- Карантинда бўлганлар ҳарбий хизматга қабул қилинадими? Хизматни ўтаганлар уйга қайта оладими? Мудофаа вазирлиги изоҳ берди
- Ўзбекистонда ҳарбий хизмат учун ўтказилган тиббий кўрик натижалари 3 ойгача ўз кучида қолади
- Мудофаа вазирлиги: «Бир ойлик хизматга пулини тўлаб қўйган фуқароларнинг пуллари қайтариб берилмайди»
Изоҳ (0)