Axborot va ommaviy kommunikatsiyalar agentligida o‘tgan brifingda Bosh prokuratura vakili Farhod Ochilov bozorlarda narxlarning asossiz oshib ketishiga qarshi iqtisodiy ta’sir instrumentlarining natijalarini keltirib o‘tdi.
Jumladan, arzonlashtirilgan ko‘chma yarmarkalari orqali 1—17-aprel kunlari hududiy prokuratura, departament organlari va boshqa tashkilotlar hamkorligida 28 490 ta (bugun, 19-aprelda 2 664 ta) ko‘chma savdo yarmarkasi tashkil etilib, 27 turdagi jami 31 765 tonna (3 028 tonna) oziq-ovqat mahsulotlari arzon narxlarda sotilishi ta’minlangani aytildi.
Mavzuga doir: Samarqandda tuman hokimligi tomonidan ehtiyojmand oilalarga ijtimoiy yordam ko‘rsatildi
- 16 000 tonna kartoshka;
- 5 200 tonna piyoz;
- 3 700 tonna sabzi;
- 400 tonna karam;
- 460 tonna tovuq go‘shti;
- 1150 tonna go‘sht;
- 8,3 mln dona tuxum;
- 1 350 tonna guruch;
- 540 tonna shakar;
- 120 tonna olma ishlab chiqaruvchilar narxida intervensiya qilingani aytildi.
Mavzuga doir: Bosh prokuratura: “1095 ta holatda 2 mlrd so‘mdan ortiq mahsulotlarni qimmat sotish aniqlangan”
“O‘rtakashlar bo‘g‘inini istisno qilib, ‘birinchi qo‘l’ tamoyili asosida narxlarni arzonlashtirish imkonini beruvchi mexanizm asosida Yangiyo‘l va Bekobod tumanlarining markazida zamonaviy tipda qurilgan, ammo 2018-yildan buyon faoliyat ko‘rsatmayotgan, shuningdek, Qibray tumani markazida muqaddam bozor sifatida faoliyat yuritib, bo‘sh yotgan bozor faoliyati qayta tiklanib, ularga tadbirkorlarning jalb etilishi ta’minlangan”, — deydi Farhod Ochilov.
Shuningdek, dehqon bozori mavjud bo‘lmagan, Zangiota tumanining “Eshonguzar” MFYda doimiy ishlaydigan yirik savdo yarmarkasi tashkil qilinib, 27 turdagi oziq-ovqat va qishloq xo‘jaligi mahsulotlarini arzon narxlarda sotish yo‘lga qo‘yilgani ma’lum qilindi.
Natijada, 410 ta tadbirkorlik subyektining faoliyati yo‘lga qo‘yilib, ushbu tumanlarda yashovchi 705,9 ming aholining oziq-ovqat mahsulotlarini xarid qilish uchun ortiqcha ovoragarchilik bilan bog‘liq muammolari hal etilgani aytildi.
Avvalroq Bosh prokuratura murojaatida karantin davrida aholini asosiy turdagi oziq-ovqat mahsulotlari, dori-darmon va tibbiy buyumlar bilan uzluksiz ta’minlash, narx-navoni barqaror saqlash choralari ko‘rilishini bildirilgan edi.
Izoh (0)