Toshkentda 16-aprel kunida Respublika perinatal markazida homilador ayollardan birida koronavirusning mavjudligini aniqladi. AOKA huzurida tashkil etilgan shtabdagi brifingda Sog‘liqni saqlash vazirligi huzuridagi Koronavirusga qarshi kurash shtabi a’zosi Habibulla Oqilov ma’lum qildi.
Ayol maxsus ajratilgan 3-tug‘ruqxona binosiga o‘tkazilgan, markaz karantin uchun yopilgan. Xodimlar va boshqa bemorlarni tahlil qilishda koronavirus aniqlanmagan va markazni ochish masalasi karantin qoidalariga muvofiq hal etilishi belgilangani ma’lum qilindi.
Eslatib o‘tamiz, avvalroq Toshkent shahridagi 6-sonli tug‘ruqxona karantinga yopilgan edi. Shuningdek, Toshkentdagi 17-shahar klinik shifoxonasi va 8-oilaviy poliklinika ham karantinda qolmoqda.Qayd etilganidek, hozirda koronavirus bilan zararlanish ko‘p holatlarda birinchi bemorlar bilan muloqotda bo‘lgan shaxslarda yoki xorijdan qaytganidan keyin karantinga joylashtirilgan fuqarolar orasida aniqlanmoqda.
Izoh (0)