Shifokor kiyimidagi Iso haykali, “tuzalayotgan” Italiya, tornadoga uchragan AQSh. 13-aprel suratlari
13-aprel, dushanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.
Londonda Buyuk Britaniya Milliy sog‘liqni saqlash xizmatiga bag‘ishlangan graffiti paydo bo‘ldi.Foto: EPA
Rio-de-Janeyroda shifokor kiyimidagi Iso Masih haykali Pasxa kunida dunyoning turli tillarida yozilgan “Rahmat” so‘ziga burkandi. Mazkur yozuvlar sog‘liqni saqlash sohasida mehnat qilayotgan insonlarga atalgan.Foto: Reuters
Italiyada kasalxonalarning intensiv muolaja bo‘limlariga yuklamalar kamayib bormoqda. Ayni damda ularda 3 343 nafar bemor davolanmoqda, bu so‘nggi vaqtlardagiga nisbatan 38 ta kam degani. Suratda Turindagi Qizil Xoch jamiyati ko‘ngilli vakili dam olmoqda.Foto: Reuters
Germaniyada lolalar mavsumi boshlandi.Foto: EPA
Namanganda koronavirusga chalingan 11 nafar bemor butunlay sog‘ayib, viloyat yuqumli kasalliklar shifoxonasidan chiqarildi.Foto: Namangan viloyat sog‘liqni saqlash boshqarmasi axborot xizmati
Ispaniyaning Mayorka plyajida politsiya xodimlari koronavirus infeksiyasiga qarshi kurash doirasida odamlar kelmasligini nazorat qilmoqda.Foto: EPA
Germaniyaning Kassel shahrida karnaval “yurishi” bo‘lib o‘tdi.Foto: Reuters
AQShning Missisipi va Luiziana shtatlarida bo‘ronlar ortidan bir nechta tornadolar kelib chiqdi. Bu vaqtda aholi uyda o‘tirish tartibida edi.Foto: EPA
AQShning Nyu-York shtatidadagi Nyu-Roshell shahri kasalxonalaridan birida ishlaydigan Hoshim oilasidan ijtimoiy masofa saqlamoqda. Suratda u oyna ortidan qizi bilan salomlashmoqda.Foto: Reuters
Tayvanning Taoyuan xalqaro beysbol stadionida liga mavsumi ochilishining ilk o‘yini ommaviy manikenlar guvohligida o‘tdi.Foto: Reuters
Gvatemalalik hunarmand Klaudia de Pas ustaxonasi atrofiga koronavirus shaklida yasalgan pinyatalarni ilib chiqmoqda.Foto: Reuters
8 yoshli Itan va 9 yoshli Fin Buyuk Britaniyaning Chester-le-strit ko‘chasidagi o‘rtasidan ikkiga ajratilgan bog‘da o‘ynamoqda.Foto: Reuters
Rio-de-Janeyrodagi Shapey Mangeyr xarobalarining aholisi tomonidan berilgan yeguliklarni iste’mol qilayotgan uysiz odam.Foto: Reuters
AQShning Vashington shahridagi Linkoln yodgorligi zinalarida ikki yosh ibodat qilmoqda. Odatda, Pasxa kunlari bu yerda minglab dindorlar quyosh botishini kutib olar edi.Foto: Reuters
Hindistonning Mumbay shahrida uyining derazasidan ko‘chani tomosha qilib o‘tirgan buva va nabira.Foto: EPA
Misrning Giza shahrida niqobdagi arxeologlar Katta Misr muzeyining eksponati sanalgan Tutanxamonning oltin tobutini tiklamoqda.Foto: EPA
Germaniyaning Berlin shahrida 4 yoshlik Lyu “Yon balkon” deb nom olgan art-installyatsiya yonida o‘ynamoqda.Foto: Reuters
Uxandagi Yanszi daryosi bo‘yida ikki yosh to‘yining fotosessiyasi bo‘lib o‘tmoqda. Ularning to‘yi 25-yanvarda o‘tkazilishi kerak edi. Biroq koronavirus tufayli qoldirilgan tantana endigina bo‘lib o‘tadi.Foto: Sinxua
Markaziy harbiy okrug bo‘linmasi Samarqandda karantindan qochishga uringan fuqaroni qo‘lga oldi.Foto: Markaziy harbiy okrug
Hindistonning Chennay shahrida koronavirus infeksiyasi haqida chizilgan graffiti yonidan o‘tib ketayotgan mototsiklchi.Foto: Getty Images
Kambodjaning Pnom Pen shahrida kxmerlarning Yangi yilini nishonlash uchun gul sotib olayotgan ayol. Bu yili ushbu bayram 13—15-aprel oralig‘iga to‘g‘ri keladi va kalamush yilini olib kiradi.Foto: EPA
Angliyaning Lids shahrida nazoratchi avtomobillarni koronavirusga test topshirish markazi tomon yo‘naltirmoqda.Foto: PA
Britaniya armiyasi ofitseri Fil Moksi va uning egizak ukasi, Avliyo Georgiy kasalxonasi jarrohi Pol Moksi Londondagi kasalxona yonida. Fil hozirda ukasi koronavirus infeksiyasiga chalingan bemorlarni davolayotgan NHS Nightingale kasalxonasini qurishda yordam bergan.Foto: Reuters
Liberiya poytaxti Monroviya shahrida politsiya xodimi Qizil fonarlar nomli bozorni xaridorlar oqimidan tozalamoqda.Foto: Reuters
Xitoyning Uxan shahridagi sartaroshxonada ishlovchi 54 yoshli Yan Guanyuy o‘zi yasagan bir idish suv, niqob va plastik trubali himoya vositasini taqib, soch olmoqda.Foto: Reuters
Izoh (0)