Video: Mercedes kompaniyasi yangi chellenj doirasida asfaltga Audi’ning to‘rtta halqasini “chizdi”

Audi kompaniyasi ijtimoiy tarmoqlarda Four Rings Challenge “to‘rt halqali chellenj”ni boshlab yubordi.

Chellenjga ko‘ra, brend ishqibozlari Audi logotipini istalgan narsa yordamida tasvirlashi kerak — bu ovqat yordamida bo‘ladimi yoki bolalar o‘yinchog‘i orqalimi — farqi yo‘q. Kutilmaganda ushbu chellenjga Mercedes-Benz kompaniyasi qo‘shilib, asfaltda AMG C 63 yordamida drift uyushtirib, to‘rtta halqani “chizdi”.

https://www.facebook.com/MercedesAMG/videos/550451905608809/?v=550451905608809

Audi halqalari qachonlardir nemis sanoatining to‘rtta ustuni ramzi bo‘lgan: Audi, Horch, bug‘li mashinalar ishlab chiqaruvchi Damp-Kraft-Wagen (DKW) hamda mototsikl ishlab chiqaruvchi Wanderer. 1930-yillarda ushbu kompaniyalar Auto Union nomi ostida birlashgan va halqalarning har biriga kompaniyaning ramzlari yozilgan. Halqali logotip 1969-yildan beri ishlatilmagan, biroq o‘tgan asrning 80-yillari o‘rtasida Audi yana o‘zining an’anaviy emblemasiga qaytgan.

Audi mazkur chellenjning eng yaxshi ishlarini to‘plab, Facebook’dagi sahifasi orqali e’lon qildi.

https://www.facebook.com/Audi.AG/videos/217102072876518/?v=217102072876518