Видео: Mercedes компанияси янги челленж доирасида асфальтга Audi’нинг тўртта ҳалқасини «чизди»

Audi компанияси ижтимоий тармоқларда Four Rings Challenge «тўрт ҳалқали челленж»ни бошлаб юборди.

Челленжга кўра, бренд ишқибозлари Audi логотипини исталган нарса ёрдамида тасвирлаши керак — бу овқат ёрдамида бўладими ёки болалар ўйинчоғи орқалими — фарқи йўқ. Кутилмаганда ушбу челленжга Mercedes-Benz компанияси қўшилиб, асфальтда AMG C 63 ёрдамида дрифт уюштириб, тўртта ҳалқани «чизди».

https://www.facebook.com/MercedesAMG/videos/550451905608809/?v=550451905608809

Audi ҳалқалари қачонлардир немис саноатининг тўртта устуни рамзи бўлган: Audi, Horch, буғли машиналар ишлаб чиқарувчи Damp-Kraft-Wagen (DKW) ҳамда мотоцикл ишлаб чиқарувчи Wanderer. 1930 йилларда ушбу компаниялар Auto Union номи остида бирлашган ва ҳалқаларнинг ҳар бирига компаниянинг рамзлари ёзилган. Ҳалқали логотип 1969 йилдан бери ишлатилмаган, бироқ ўтган асрнинг 80 йиллари ўртасида Audi яна ўзининг анъанавий эмблемасига қайтган.

Audi мазкур челленжнинг энг яхши ишларини тўплаб, Facebook’даги саҳифаси орқали эълон қилди.

https://www.facebook.com/Audi.AG/videos/217102072876518/