IIV YHXB 9-aprel, payshanba kuni, internetda “Yuragi otning kallasidek ekan. Qashqadaryoda yangi chellenj” sarlavhalari bilan tarqalgan videolarga munosabat bildirdi.
Xabarga ko‘ra, Qashqadaryo viloyati Qarshi tumanida “Tokzor” MFY hududidagi quvur ustidan haydovchilar o‘z jonini xavf ostiga qo‘yib, Spark, Tico va Nexia rusumli transport vositalarida harakatlanib o‘tgan. Ayni vaqtda Spark va Tico haydovchilarining kimligi aniqlandi va ularga nisbatan chora ko‘rildi.
Haydovchilar o‘z hayotlarini xavf ostiga qo‘yganligini tushunib yetdi. Hozirgi vaqtda Nexia haydovchisini aniqlash yuzasidan surishtiruv ishlari olib borilmoqda, deyilgan xabarda.
Avval Qashqadaryoda Spark’ni suv quvuri ustidan olib o‘tgan haydovchi 2 million so‘m jarimaga tortilib, quvur usti to‘sib qo‘yilgani haqida xabar berilgandi.
Izoh (0)