O‘zbekistonda karantin sababli savdo shoxobchalari yopilayotgan bir sharoitda zaruriy oziq-ovqat hisoblanmaydigan spirtli ichimliklar do‘konlari faoliyat olib bormoqda. Ichki ishlar vazirligi axborot xizmati rahbari Shohrux G‘iyosov mazkur holatga izoh berdi.
Ichki ishlar vazirligi vakilining so‘zlariga ko‘ra, agar spirtli ichimliklarning yoki sigaret mahsulotlarining savdosi to‘xtatib qo‘yilsa, odamlar bu mahsulotni uyda qo‘lbola tayyorlashni boshlaydi. Bu esa, o‘z navbatida, ko‘plab zaharlanish holatlariga olib keladi. Odamlarning qo‘lbola spirtli ichimlikdan zaharlanib o‘lishi ayni damda ortiqcha muammo hisoblanadi.
Qayd etilishicha, tarixda bunday holat kuzatilgan. 1980-yillarda Sobiq Ittifoq hukumati “suxoy zakon” e’lon qilgan, ya’ni spirtli ichimliklarni ishlab chiqarish va savdosi to‘xtatilgan. Shu davrda odamlarning qo‘lbola tayyorlangan spirtdan zaharlanib o‘lishi 400 foizga oshgan.
Eslatib o‘tamiz, koronavirus sababli O‘zbekistonda oziq-ovqat do‘konlari va dehqon bozorlaridan boshqa barcha savdo majmualari, umumiy ovqatlanish shoxobchalari yopilgan.
Izoh (0)