Xitoy COVID-19 pandemiyasini deyarli to‘xtatgani, mamlakatda avtomobil sanoati o‘z ishini 97 foiz qayta yo‘lga qo‘yganiga qaramay, koronavirus hamon iste’mol talabining kamligiga sabab bo‘lmoqda — hech kim mashina xarid qilmayapti, deya xabar beradi Motor.
Ayni vaqtda Xitoy avtomobilsozlik sanoati o‘tgan yilgi ishlab chiqarish darajasiga chiqib olgan. “Avtomobil sanoati korxonalarining quvvati 60 foizdan 97 foizga qadar oshdi, ish joyidagi xodimlarning koeffitsiyenti esa 50 dan 82 foizga chiqdi”, — deydi Xitoy sanoat va informatizatsiya vaziri o‘rinbosari Sin Gobinya.
Biroq Xitoy avtomobilsozlik sanoati duch kelgan yangi muammo — bozorda tayyor avtomobillarga bo‘lgan talabning pastligi. Tayyor avtomobillarning aksariyat qismi avtokompaniya omborlarida saqlangani, ishlab chiqarish quvvati esa o‘sishda davom etayotgani sabab avtozavodlar kelajakda ishlab chiqarish hajmini qisqartirishga majbur bo‘lishi mumkin.
Mavzuga doir: Uxan shahridagi metro qatnovlari qisman ishga tushirildi
Izoh (0)