Toshkent viloyati O‘rta Chirchiq tumanida xorijdan kelgan fuqarolar uchun karantin zona tashkil qilinmoqda. Sputnik nashri ushbu hududdan batafsil fotoreportaj taqdim etdi.
Karantin majmuasi bir necha ming maxsus jihozlangan konteynerlardan iborat, hudud 10 ming nafargacha fuqarolarni qabul qilishi mumkin.
Fuqarolar vatanga qaytganda majburiy ikki haftalik karantindan o‘tishlari zarur. Sakkiz kun ichida quruvchilar bir yarim ming o‘zbekistonlikni qabul qilish uchun joylarni tayyorladi.
Qurilish maydonida 3 mingdan ortiq quruvchi mehnat qilmoqda, 200 ta texnika jalb qilingan.
Ayni vaqtda mutaxassislar maxsus karantin lagerining uchinchi bosqich qurilish bosqichiga kirishdi. Ishlar yakunlangandan so‘ng hudud to‘liq o‘rab olinadi.
Karantin zonada fuqarolarni vaqtincha joylashtirish uchun barcha sharoitlar yaratilgan. Har bir boks 4 kishi yashashiga mo‘ljallangan. Blok karavot, stol, shkaf, hojatxona va dush, shuningdek, televizor va konditsioner bilan jihozlangan. Fuqarolarga ovqat bir martalik idishlarda yetkazib berilmoqda.
Karantin hududida har 500 kishiga 30 navbatchi shifokor va 20 ta’minlov xizmati xodimlari ko‘zda tutilgan. Bemorlarga malakali tibbiy yordam ko‘rsatiladi.
Lagerga qurilish va maxsus zona ta’minoti ishlarida yordam berish maqsadida mahalliy aholi ham kelmoqda.
Bunday karantin zonalar O‘zbekiston boshqa viloyatlarida ham qurilmoqda.
Izoh (0)