Тошкент вилояти Ўрта Чирчиқ туманида хориждан келган фуқаролар учун карантин зона ташкил қилинмоқда. Sputnik нашри ушбу ҳудуддан батафсил фоторепортаж тақдим этди.
Карантин мажмуаси бир неча минг махсус жиҳозланган контейнерлардан иборат, ҳудуд 10 минг нафаргача фуқароларни қабул қилиши мумкин.
Фуқаролар ватанга қайтганда мажбурий икки ҳафталик карантиндан ўтишлари зарур. Саккиз кун ичида қурувчилар бир ярим минг ўзбекистонликни қабул қилиш учун жойларни тайёрлади.
Мавзуга доир: Ўрта Чирчиқда 5 кунда қуриладиган 10 минг ўринли касалхона учун «контейнер-палата»ларнинг биринчи партияси тайёр бўлди (видео)
Қурилиш майдонида 3 мингдан ортиқ қурувчи меҳнат қилмоқда, 200 та техника жалб қилинган.
Айни вақтда мутахассислар махсус карантин лагерининг учинчи босқич қурилиш босқичига киришди. Ишлар якунлангандан сўнг ҳудуд тўлиқ ўраб олинади.
Карантин зонада фуқароларни вақтинча жойлаштириш учун барча шароитлар яратилган. Ҳар бир бокс 4 киши яшашига мўлжалланган. Блок каравот, стол, шкаф, ҳожатхона ва душ, шунингдек, телевизор ва кондиционер билан жиҳозланган. Фуқароларга овқат бир марталик идишларда етказиб берилмоқда.
Карантин ҳудудида ҳар 500 кишига 30 навбатчи шифокор ва 20 таъминлов хизмати ходимлари кўзда тутилган. Беморларга малакали тиббий ёрдам кўрсатилади.
Лагерга қурилиш ва махсус зона таъминоти ишларида ёрдам бериш мақсадида маҳаллий аҳоли ҳам келмоқда.
Бундай карантин зоналар Ўзбекистон бошқа вилоятларида ҳам қурилмоқда.
Изоҳ (0)