Farg‘onada YPX xodimlariga xizmatda foydalanish uchun skuterlar topshirildi. Bu haqda “Daryo” muxbiri Azizjon Ermatov xabar berdi.
Ta’kidlanishicha, hozirda skuterlar sinovdan o‘tkazilmoqda. Xodimlar uchun ulardan foydalanish, texnik imkoniyatlarini o‘rganish bo‘yicha o‘quv mashg‘ulotlari tashkil etilgan.
Tez orada xizmat avtomobillari harakatlanishi noqulay bo‘lgan hududlarda, ko‘p qavatli turar joylar mavzelarida motopatrul yo‘nalishlari yo‘lga qo‘yiladi.
Mazkur skuterlardan Farg‘ona va Qo‘qon shaharlarida xavfsiz turizm, jamoat tartibini saqlash hamda fuqarolar osoyishtaligini ta’minlash jarayonida foydalaniladi.
Qayd etilishicha, skuterlar kamxarjligi, shovqin chiqarmasligi va tor yo‘llarda harakatlanishda qulayligi bilan afzal hisoblanadi.
Izoh (0)