Futbol bo‘yicha Rossiya chempionatining 22-turida “Rostov” 15-mart, yakshanba kuni “Lokomotiv”ni qabul qildi.
Uchrashuvda “temiryo‘lchilar” ishonchli g‘alabani qo‘lga kiritdi. “Lokomotiv”ning gollariga Sergey Pesyakov (34), Rifat Jemaletdinov (38) va Gjegok Krixovyak (42) muallif bo‘ldi. Rostovlikning yagona goli 64-daqiqada Ivelin Popov tomonidan kiritildi. Mazkur bahsda O‘zbekiston terma jamoasi hujumchisi Eldor Shomurodov to‘liq harakat qildi.
Shu tariqa “Lokomotiv” ochkolarini 21 taga yetkazib olgan holda ikkinchi o‘ringa ko‘tarildi. Valeriy Karpin shogirdlari (38) esa 4-pog‘onada qolib ketdi.
Yana bir o‘zbekistonlik futbolchi — Oston O‘runov harakat qilayotgan “Ufa” safarda SSKA bilan bahs yuritib, nursiz durangga erishdi. Uchrashuvda Oston to‘liq harakat qildi.
RPL
22-tur bahslari
15-mart, yakshanba
“Sochi” — “Krasnodar” 2:0
Gollar: 1:0 – 47 Noboa, 2:0 – 90 Mostovoy.SSKA — “Ufa” 0:0
“Rostov” — “Lokomotiv” 1:3
Gollar: 0:1 – 34, avtogol Pesyakov, 0:2 – 38 Jemaletdinov, 0:3 – 42 Krixovyak, 1:3 – 64, penalti Popov.“Rostov”: Pesyakov, Hajikadunich, Kozlov, Osipenko, Chernov, Bayramyan (Saplinov, 86), Normann, Zaynutdinov (Dolgov, 87), Yeremenko, Popov, Shomurodov.
“Lokomotiv”: Gilyerme, Ignatyev, Kverkveliya, Hevedes, Ribus, Miranchuk, Krixovyak, Joau Mariu (Magkeyev, 73), Barinov, Jemaletdinov (Idovu, 82), Eder.
Ogohlantirishlar: Hajikadunich (54), Normann (86), Barinov (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)