Futbol bo‘yicha O‘zbekiston Superligasi 15-mart kuniga belgilangan ikki o‘yindan so‘ng vaqtincha to‘xtatiladi.
15-mart, yakshanba kuni bosh vazir Abdulla Aripov ishtirokida yig‘ilish bo‘lib o‘tdi. “Daryo” muxbirining ma’lum qilishicha, mazkur yig‘ilishda O‘zbekistonda ommaviy tadbirlar o‘tkazish vaqtincha to‘xtatilishi ma’lum qilingan.
Shu tariqa futbol bo‘yicha O‘zbekiston Superligasi, quyi Liga va barcha yoshdagi futbolchilar o‘rtasidagi musobaqalar vaqtincha to‘xtatiladi.
Bu borada Professional futbol Ligasi rasmiy ma’lumot bergani yo‘q. Superliga 3-turidan o‘rin olgan 15-mart kungi ikki o‘yin o‘z vaqtida o‘tkaziladi.
15-mart kuni O‘zbekistonda koronavirusga chalingan ilk bemor aniqlangani, u Toshkentda istiqomat qiluvchi ayol ekani, 11-mart kuni Fransiyadan qaytgani haqida xabar berilgan edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)