Toshkentda 11-mart kuni Oliy Majlis Qonunchilik palatasining navbatdagi yalpi majlisi bo‘lib o‘tdi. Unda parlament a’zolari tomonidan 7 ta qonun loyihasi ko‘rib chiqildi. “Daryo” muxbiri Madina Nurman Qonunchilik palatasi yalpi majlisidan fotoreportaj tayyorladi.
Ma’lumot uchun, yalpi majlisda deputatlar “O‘zbekiston Respublikasining ma’muriy-hududiy tuzilishi to‘g‘risida”gi, yangi tahrirdagi “Auditorlik faoliyati to‘g‘risida”gi, “O‘zbekiston Respublikasining “Axborot-kutubxona faoliyati to‘g‘risida”gi qonuniga o‘zgartishlar kiritish to‘g‘risida”gi, “O‘zbekiston Respublikasining Jinoyat-ijroiya kodeksiga o‘zgartish va qo‘shimchalar kiritish to‘g‘risida”gi qonun loyihalarini birinchi o‘qishda ko‘rib chiqdi.
Shu bilan birga, “Jamoat joylarida chilim va elektron sigaretalar chekishni cheklash to‘g‘risida”gi O‘zbekiston Respublikasi qonuni qabul qilinishi munosabati bilan O‘zbekiston Respublikasining Ma’muriy javobgarlik to‘g‘risidagi kodeksiga qo‘shimcha va o‘zgartishlar kiritish haqida”gi, “Energiyadan oqilona foydalanish to‘g‘risida”gi O‘zbekiston Respublikasining qonuniga o‘zgartish va qo‘shimchalar kiritish haqida”gi, “Oilaviy tadbirkorlik to‘g‘risida”gi O‘zbekiston Respublikasining qonuniga o‘zgartish va qo‘shimchalar kiritish haqida”gi qonun loyihalari ikkinchi o‘qishda ko‘rib chiqildi.
Bundan tashqari, Oliy Majlis Qonunchilik palatasining Yoshlar masalalari bo‘yicha komissiyasi ham tuzildi.
Shuningdek, yalpi majlisda parlament tarixida ilk bor deputatlarning o‘z saylov okruglarida o‘tkazilgan uchrashuvlari yakunlari to‘g‘risidagi masalalar muhokama qilindi.
Izoh (0)