Тошкентда 11 март куни Олий Мажлис Қонунчилик палатасининг навбатдаги ялпи мажлиси бўлиб ўтди. Унда парламент аъзолари томонидан 7 та қонун лойиҳаси кўриб чиқилди. «Дарё» мухбири Мадина Нурман Қонунчилик палатаси ялпи мажлисидан фоторепортаж тайёрлади.
Маълумот учун, ялпи мажлисда депутатлар «Ўзбекистон Республикасининг маъмурий-ҳудудий тузилиши тўғрисида»ги, янги таҳрирдаги «Аудиторлик фаолияти тўғрисида»ги, «Ўзбекистон Республикасининг «Ахборот-кутубхона фаолияти тўғрисида»ги қонунига ўзгартишлар киритиш тўғрисида»ги, «Ўзбекистон Республикасининг Жиноят-ижроия кодексига ўзгартиш ва қўшимчалар киритиш тўғрисида»ги қонун лойиҳаларини биринчи ўқишда кўриб чиқди.
Шу билан бирга, «Жамоат жойларида чилим ва электрон сигареталар чекишни чеклаш тўғрисида»ги Ўзбекистон Республикаси қонуни қабул қилиниши муносабати билан Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартишлар киритиш ҳақида»ги, «Энергиядан оқилона фойдаланиш тўғрисида»ги Ўзбекистон Республикасининг қонунига ўзгартиш ва қўшимчалар киритиш ҳақида»ги, «Оилавий тадбиркорлик тўғрисида»ги Ўзбекистон Республикасининг қонунига ўзгартиш ва қўшимчалар киритиш ҳақида»ги қонун лойиҳалари иккинчи ўқишда кўриб чиқилди.
Бундан ташқари, Олий Мажлис Қонунчилик палатасининг Ёшлар масалалари бўйича комиссияси ҳам тузилди.
Шунингдек, ялпи мажлисда парламент тарихида илк бор депутатларнинг ўз сайлов округларида ўтказилган учрашувлари якунлари тўғрисидаги масалалар муҳокама қилинди.
Изоҳ (0)