Рақамли инклюзивлик ва барчага алоқадан фойдаланиш имконияти
Huawei компанияси ўзининг RuralStar Pro ечимини тақдим қилди. Ушбу ечим таянч полоса, радио частоталар (RF) ва симсиз транзит алоқа функцияларини битта базавий станцияда жамлаб, майдончани йўлга қўйишга кетадиган сарф-харажатларни сезиларли даражада қисқартиради. RuralStar Pro аҳолиси 500 кишидан кам бўлган чекка қишлоқлар ва аҳоли пунктларига овозли ва кенг полосали мобил хизматларни тақдим қилишга имконият яратади.
GSMА ҳисоботига кўра, жаҳон бўйлаб 750 миллион киши мобил алоқа билан қопланмаган ҳудудларда истиқомат қилмоқда, 3,5 миллиард киши эса Интернетдан фойдаланиш имкониятига эга эмас. Бундай инсонларнинг аксарияти тармоқ ва электр энергияси чекланган, инфратузилмани яратиш катта маблағ талаб этадиган чекка жойлардаги аҳоли пунктларида яшайди. Бундай ерларда инфратузилмани йўлга қўйиш учун анъанавий ечимлар сарфланган харажатларни қоплашига 8-10 йил керак бўлади, шу боис алоқа операторлари чекка туманларда тармоқни ишга туширишга у қадар шошмайди.
Рақамли тафовутни қисқартириш мақсадида Huawei компанияси RuralStar Pro ечимини тақдим этди. Бу факт унинг илғор технологик кашфиётлар тарафдори эканлигини яна бир бор тасдиқлайди. Юқори интеграция даражасига эга микросхемалар туфайли, ушбу ечим частоталарнинг асосий полосаси, радиочастотали ва симсиз транзит алоқаларни битта технологияга жамлаган ҳолда, майдончанинг инфратузилмага боғлиқлигини камайтиради. RuralStar Pro фаолияти учун бутун объектни қувват билан таъминлайдиган атиги иккита қуёш батареяси талаб этилади, бу эса энергия сарфини қисқартиради ва бутун базавий станция оғирлигини 550 килограммгача енгиллаштиради. Шунинг ҳисобига муҳандислик ишларининг кўлами камайиб, майдончанинг тез ва осон йўлга қўйилиши таъминланади.
Ушбу хусусиятлар тармоқ ускунасини соддалаштириш ва инфратузилмага оид харажатларни қисқартиришга ёрдам беради, натижада RuralStar Pro ечимининг нархи ҳам сезиларли миқдорда арзонлашади. Операторлар учун инвестицияларнинг ўзини қоплаш муддати (ROI) 3-5 йилга қисқаради ва 500 кишидан камроқ аҳоли яшайдиган қишлоқ жойларини кенг полосали мобил алоқа хизматлари билан таъминлаш имконияти пайдо бўлади. RuralStar Pro – бу чекка ерлардаги аҳоли турмуш тарзини яхшилашга қўйилган яна бир қадам, масофавий таълим, телемедецина, молия бошқаруви ва бошқа рақамли ижтимоий хизматларга эшик очадиган технологиядир.
Қишлоқ жойларидаги тармоқларга оид паст рентабеллик сабабли операторлар ва ускуна таъминотчилари бу йўналишга сармоя киритишга эҳтиёткорлик билан ёндашадилар. Шу боис Huawei тадқиқотлар ва барча фойдаланиши мумкин бўлган технологияларни яратиш йўлида илғор инновацияларни ишлаб чиқиш учун узлуксиз сармоя киритиб, рақамли тафовутни енгиш ва рақамли инклюзивликни ривожлантиришга кўмаклашиб келмоқда.
Huawei ўзаро уланган интеллектуал дунёни яратиш йўлида жаҳондаги ҳар битта инсон, уй ва ташкилотни рақамли технологиялар билан таъминлашга интилади. Қишлоқ тармоғи учун мўлжалланган биринчи RuralStar ечими 2017 йилда тақдим этилган эди. Ундаги техник хусусиятлар тармоқни йўлга қўйиш билан боғлиқ харажатларни 50 фоиздан кўпроқ миқдорда қискартиради. RuralStar операторларга 1000 кишидан кўпроқ аҳоли истиқомат қиладиган чекка манзилларда хизмат кўрсатадиган қишлоқ тармоқларидан даромад олишга имконият беради. Бутунжаҳон мобил конгрессда 2019 йили Huawei энергия сарфини кескин камайтирувчи тўртта қуёш батареяси билан жиҳозланган RuralStar Lite технологиясини намойиш қилди. Мазкур ечим барча ускуналарни битта таянчда ўрнатишга имконият яратиб, қурилишда тўсин ёки бўлмаларни ишлатишга ҳожат қолдирмайди. Бундай афзалликларни йиғиндиси эса майдонча қурилишига оид харажатларни анча камайтиради. 500 кишидан 1000 кишигача аҳоли яшайдиган қишлоқларда RuralStar Lite операторлар учун инвестиция сарфининг қопланишини 3-5 йилгача қисқартиради.
Huawei компаниясидан чекка жойлар учун учта ечим: RuralStar, RuralStar Lite ва RuralStar Pro лойиҳалари бўйича манфаатли тармоқнинг йўлга қўйилишини таъминлайди. 2017 йилда ишга тушган биринчи RuralStar ечимидан бошлаб, ушбу технологиялар 50 дан ортиқ мамлакатларда қўлланилган бўлиб, жаҳон бўйлаб 40 миллиондан зиёд одамларга хизматларни тақдим этиб келмоқда. Мана шундай мамлакатлардан бири Ўзбекистон ҳисобланади, 2018 йилда маҳаллий алоқа оператори Mobiuz (ўша пайтда «UMS») билан ҳамкорликда Huawei RuralStar ечимини Сурхондарё вилоятида ишга туширган эди.
Реклама ҳуқуқи асосида.
Изоҳ (0)