Futbol bo‘yicha Ispaniya La Ligasining 27-turida “Real” 8-mart, yakshanba kuni “Betis” maydoniga safar qildi.
Mazkur uchrashuvda Zinedin Zidan shogirdlari kutilmaganda mag‘lubiyat alamini totib ko‘rdi. Uchrashuvning 40-daqiqasida Sidney Reshel maydon egalarining ilk goliga muallif bo‘ldi. Birinchi bo‘limga hakam tomonidan qo‘shib berilgan vaqtda Karim Benzema penaltini muvaffaqiyatli amalga oshirgan holda hisobni tenglashtirdi.
82-daqiqada “Betis” Kristian Telyoning goli evaziga oldinga o‘tib oldi va bu gol o‘yindagi so‘nggisi bo‘ldi.
Shu tariqa o‘tgan turda “Barselona”ni (58 ochko) mag‘lub etib peshqadamga aylangan “Qirollik klubi” (56) yana karvonboshilikni katalonlarga topshirib qo‘ydi.
La Liga
27-tur bahsi
8-mart, yakshanba
“Betis” — “Real Madrid” 2:1
Gollar: 1:0 – 40 Sidney, 1:1 – 45+3, penalti Benzema, 2:1 – 82 Telyo.“Betis”: Robles, Edgar Gonsales (Rodriges, 73), Sidney, Bartra, Moreno (Pedrasa, 77), Xoakin (Telyo, 66), Kanales, Fekir, Guardado, Emerson, Moron.
“Real Madrid”: Kurtua, Militao, Marselo (Mendi, 59), Varan, Ramos, Kazemiro, Kroos (Mariano Dias, 69), Vaskes, Modrich (Valverde, 79), Vinisius Junior, Benzema.
Ogohlantirishlar: Marselo (55), Guardado (74).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)