PSJ bosh murabbiyi Tomas Tuxel shogirdlariga Ispaniyada yig‘in o‘tkazish taklifini bergan, biroq bunga rad javobini olgan.
L’Équipe nashrining xabar qilishicha, Tuxel Liga 1 doirasidagi “Strasburg”ga qarshi o‘yin bekor qilinganidan foydalanib, Ispaniyada kichik yig‘in tashkil etishni xohlagan. Murabbiy futbolchilar yoqimli havoda qo‘shimcha ishlashlarini istagan.
Biroq futbolchilar Fransiyada qolishni ma’qul ko‘rgan. Ular bo‘sh vaqtni mehmonxonada emas oilalari bag‘rida o‘tkazishni ma’qul ko‘rgan.
Eslatib o‘tamiz, PSJ 11-mart kuni Yevropa Chempionlar Ligasi 1/8 final javob bahsi doirasida “Borussiya D”ga qarshi o‘ynaydi. Ushbu jamoalar o‘rtasidagi dastlabki o‘yin dormundliklar foydasiga xal bo‘lgandi (2:1).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)