Футбол бўйича Испания Ла Лигасининг 27-турида «Реал» 8 март, якшанба куни «Бетис» майдонига сафар қилди.
Мазкур учрашувда Зинедин Зидан шогирдлари кутилмаганда мағлубият аламини тотиб кўрди. Учрашувнинг 40-дақиқасида Сидней Решел майдон эгаларининг илк голига муаллиф бўлди. Биринчи бўлимга ҳакам томонидан қўшиб берилган вақтда Карим Бензема пенальтини муваффақиятли амалга оширган ҳолда ҳисобни тенглаштирди.
82-дақиқада «Бетис» Кристиан Тельонинг голи эвазига олдинга ўтиб олди ва бу гол ўйиндаги сўнггиси бўлди.
Шу тариқа ўтган турда «Барселона»ни (58 очко) мағлуб этиб пешқадамга айланган «Қироллик клуби» (56) яна карвонбошиликни каталонларга топшириб қўйди.
Ла Лига
27-тур баҳси
8 март, якшанба
«Бетис» — «Реал Мадрид» 2:1
Голлар: 1:0 – 40 Сидней, 1:1 – 45+3, пенальти Бензема, 2:1 – 82 Тельо.«Бетис»: Роблес, Эдгар Гонсалес (Родригес, 73), Сидней, Бартра, Морено (Педраса, 77), Хоакин (Тельо, 66), Каналес, Фекир, Гуардадо, Эмерсон, Морон.
«Реал Мадрид»: Куртуа, Милитао, Марсело (Менди, 59), Варан, Рамос, Каземиро, Кроос (Мариано Диас, 69), Васкес, Модрич (Вальверде, 79), Винисиус Жуниор, Бензема.
Огоҳлантиришлар: Марсело (55), Гуардадо (74).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)