8-mart, yakshanba kuni, Iordaniyaning Amman shahrida Tokio—2020 Olimpiadasiga yo‘llanma beruvchi litsenzion musobaqa doirasida navbatdagi janglar o‘tkazildi.
-75 kilogramm vazn toifasi vakili Fanat Qahramonov chorak finalda qozog‘istonlik Abilxon Amanqulga qarshi jang o‘tkazib, mag‘lubiyatga uchradi. Ammo Fanat Olimpiada yo‘llanmasi uchun imkoniyatni saqlab qoldi. Boisi ushbu vazn toifasida Olimpiadaga 5 ta yo‘llanma o‘ynaladi. Fanat chorak finalda mag‘lub bo‘lgan boshqa bokschilar bilan 1 ta yo‘llanma uchun kurash olib boradi.
+91 kilogramm vazn toifasida Bahodir Jalolov chorak final bahsini bahraynlik Danis Latipovga qarshi o‘tkazib, 3 raund yakuniga ko‘ra 5:0 hisobida g‘alaba qozondi. Shu tariqa Bahodir ham Tokio Olimpidasiga yo‘llanmani o‘ziniki qildi va litsenzio musobaqaning yarim finaliga chiqdi.
Eslatib o‘tamiz, avvalroq Bobousmon Boturov hamda Sanjar Tursunovlarning Olimpiadaga yo‘llanmani qo‘lga kiritgani haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)